मृदसंधारण उपाययोजनेद्वारे जमिनीचा विकास एकात्मिक (गतिमान) पाणलोट विकास कार्यक्रम
अपूर्ण पाणलोटांची कामे जलद गतीने पुर्ण करण्याच्या उद्देशाने शासन निर्णय ग्रामविकास व जलसंधारण विभाग क्रमांक आदर्श-2007/प्रक्र 121/जल-7/दि. 30.11.2007 अन्वये राज्यातील 353 तालुक्यात प्रत्येकी किमान 1 याप्रमाणे 353 पाणलोट सन 2007-08 मध्ये विकसीत करण्यासाठी गतिमान पाणलोट विकास कार्यक्रम राबविणेचा निर्णय घेण्यात आला आहे. हा कार्यक्रम धडक मोहिमे अंतर्गत गतिमान पद्धतीने राबविण्यात येणार असल्यामुळे या मोहिमे अंतर्गत विकसित होणारे पाणलोट राज्यात पथदर्शक पाणलोट ठरतील व त्यासाठी जास्तीत जास्त लोकसहभाग मिळविण्यात येत आहे. सन 2007-08 पासून १०६१४ पाणलोटांना सुकाणू समितीने मान्यता दिलेली असून ६१०६ पाणलोट पुर्ण झालेले आहेत. या कार्यक्रमासाठी राज्य निधी, डीपीडीसी, विघयो, टिएसपी, ओटीएसपी इ. निधी स्रेात उपयोगात आणला जातो. सन 2019-20 मध्ये उपरोक्त सर्व योजनांमधून रक्कम रू.१४३.93 कोटी निधी प्राप्त झाला असून सन 2020-21 मध्ये राज्यस्तरिय लेखाशीर्षाखाली 100कोटी तरतूद करण्यात आली आहे. सन 2021-22 मध्ये राज्यस्तरिय लेखाशीर्षाखाली 30.00 कोटी तरतूद करण्यात आली आहे.