मृद व जलसंधारण विभाग, महाराष्ट्र राज्य

१.महामंडळाची स्थापना:
महाराष्ट्र जलसंधारण महामंडळाची स्थापना दि. २२ ऑगस्ट, २००० रोजी झालेली असून महामंडळाचे मुख्यालय छत्रपती संभाजीनगर येथे आहे.
२. महामंडळाचा उद्देश:
महामंडळ स्थापनेचा मुख्य उद्देश राज्यातील ६०० हेक्टर पर्यंतच्या सिंचन क्षमतेचे लघु पाटबंधारे प्रकल्प, पाणलोट व मृदसंधारण आणि सामाजिक वनीकरण, इत्यादी कामांचे प्रचालन, प्रवर्तन आणि शीघ्र विकास व नियमन करणे हा आहे.
३. महामंडळाची रचना:
महाराष्ट्र जलसंधारण महामंडळ अधिनियम २००० चे कलम ४ (१) अन्वये महामंडळात खालील सदस्यांचा समावेश आहे.

वरील सदस्यांव्यतिरिक्त दिनांक १०.०८.२०१८ रोजी मा. राज्यपालांनी संमती दिलेला सन २०१८ चा महाराष्ट्र अधिनियम क्रमांक ५२ नुसार महाराष्ट्र जलसंधारण महामंडळ अधिनियम २००० यात आणखी सुधारणा करुन
१) जलसंधारण व मृदसंधारण क्षेत्राची विशेष माहिती व प्रत्यक्ष अनुभव असलेला तसेच लोकसहभागातून हाती घेण्यात आलेल्या जलसंधारण कामांचा अनुभव असलेला राज्य शासनाने नामनिर्देशित करावयाचा एक सदस्य - उपाध्यक्ष असे आणखी एक उपाध्यक्ष पद वाढविण्यात आलेले आहे.
२) पाटबंधारे क्षेत्राची विशेष माहिती व प्रत्यक्ष अनुभव असलेले राज्य शासनाने नामनिर्देशित करावयाचे सदस्य एक ऐवजी दोन करण्यात आल्याने उपरोक्त सदस्यांच्या यादीमधील क्रमांक नऊ येथील एकूण सदस्य संख्या तीन करण्यात आली आहे.
(अधिनियमाची प्रत वित्तीय तक्ते व शासन निर्णय विवरणपत्रांमध्ये ठेवण्यात आली आहे.)

४. कार्यकारी समिती :
अधिनियमातील कलम ५ व महाराष्ट्र जलसंधारण महामंडळ सुधारणा अधिनियम २००१ (क २०) अनुसार महामंडळाच्या कार्यकारी समितीत खालील सदस्यांचा समावेश आहे : -

असे एकूण ७ सदस्य आहेत

५. लेखा विषयक धोरण :
महामंडळाने रोख लेखा पध्दतीची प्रणाली अवलंबली आहे. महामंडळामार्फत केली जाणारी कामे ही महाराष्ट्र सार्वजनिक बांधकाम नियम पुस्तिका व संहिता तसेच मृद व जलसंधारण विभागाने निर्देशित केल्यानुसार आणि जलसंपदा विभागाने निर्गमित केलेल्या शासन निर्णयानुसार केली जातात.